Ang Sampung Pisong Pandikit

Malapit na ang bagong taon. Pero bumalik na ako agad dito sa Los BaƱos.

Ala-una na ng hapon nang ako ay magising. Gutom na gutom na ako. Hindi pa ako naliligo pero hindi ko na talaga makayanan ang aking kagutuman.

Habang naglalakad ako sa labas ng geyt, biglang bumukas ang harapan ng tsinelas ko, ang ibig sabihin ay nasira na ito. Paika-ika akong lumakad, lumilingon ako sa lahat ng direksyon. Naghahanap ako ng mabibilhan ng packaging tape.

May nalingon ako, sana meron… ang suwerte ko, mayroon silang tinda. At sampung piso lang! Natuwa ako, mura lang kasi. Hindi ko naisip na iyon ay galing ng Tsina. Hindi ko naisip na iyon ang isa sa mga dahilan kung bakit ang Pilipinas ay nahihirapang umusad patugo sa kaunlaran. Sana sa susunod, hindi ko panghinayangan ang mahal na presyo ng isang bagay… at least, alam kong iyon ay makakatulong sa pag-unlad ng ating bayan.